Hér eru helstu atriði úr dagbók LRH frá 05-17.
Þegar þetta er ritað gistir enginn í fangageymslu lögreglu. Alls eru 60 mál skráð í kerfinu á umræddu tímabili. Eftirfarandi upptalning er þannig ekki tæmandi. Ýmsum aðstoðarbeiðnum var sinnt að venju á öllum varðsvæðum sem ekki þykir ástæða til að tíunda nánar.
Lögreglustöð 1
Óvelkomnum aðilum vísað úr bílastæðahúsi í hverfi 101. Ökumaður handtekinn í hverfi 105 grunaður um akstur undir áhrifum ávana- og fíkniefna sem og akstur án ökuréttinda. Fluttur á lögreglustöð í hefðbundið ferli og laus að blóðsýnatöku lokinni. Ökumaður kærður fyrir að nota farsíma án handfrjáls búnaðar í hverfi 101. Afgreitt með vettvangsskýrslu. Þjófnaður úr tveimur matvöruverslunum í hverfi 101 með stuttu millibili, bæði í tíma og rúmi. Afgreitt á vettvangi. Ökumaður handtekinn í hverfi 101 grunaður um ölvunarakstur. Fluttur á lögreglustöð í hefðbundið ferli og laus að sýnatöku lokinni.
Lögreglustöð 2
Aðila í sjálfheldu á sínum eigin svölum bjargað af lögreglumönnum í hverfi 220. Hann aðstoðaður við að komast inn til sín. Ökumaður kærður fyrir að nota farsíma án handfrjáls búnaðar í hverfi 210. Afgreitt með vettvangsskýrslu. Ökumaður kærður fyrir að aka á 86 km/klst í hverfi 210 hvar hámarkshraði er 60 km/klst sem og fyrir að vanrækja merkjagjöf ítrekað með skorti á stefnuljósum. Ökumaðurinn reyndist þá einnig vera án gildra ökuréttinda. Afgreitt með vettvangsskýrslu. Ökumaður handtekinn í hverfi 210 grunaður um akstur undir áhrifum ávana- og fíkniefna. Fluttur á lögreglustöð í hefðbundið ferli og laus að blóðsýnatöku lokinni.
Lögreglustöð 3
Ökumaður kærður fyrir að aka á 109 km/klst í hverfi 201 hvar hámarkshraði er 80 km/klst. Afgreitt með vettvangsskýrslu. Ökumaður kærður fyrir að aka bifreið sem var algjörlega ljóslaus, bæði að framan og aftan, í hverfi 200. Afgreitt með vettvangsskýrslu og bifreiðin boðuð í skoðun. Ökumaður kærður fyrir að aka á 52 km/klst í hverfi 200 hvar hámarkshraði er 30 km/klst. Afgreitt með vettvangsskýrslu. Ökumaður kærður fyrir að aka á 103 km/klst í hverfi 201 hvar hámarkshraði er 80 km/klst sem og fyrir að vanrækja merkjagjöf með því að gefa ítrekað engin stefnuljós. Afgreitt með vettvangsskýrslu. Ökumaður kærður fyrir að aka á 108 km/klst í hverfi 201 hvar hámarkshraði er 80 km/klst. Afgreitt með vettvangsskýrslu.
Lögreglustöð 4
Höfð afskipti af ökumanni í hverfi 112. Hann reyndist vera án ökuréttinda en reyndi að blekkja lögreglumenn með því að framvísa skilríkjum annars manns. Skýrsla rituð vegna málsins. Umferðarslys í hverfi 113. Engin slys á fólki og báðar bifreiðarnar í ökuhæfu ástandi. Ökumaður handtekinn í hverfi 110 grunaður um ölvunarakstur, fíkniefnaakstur og akstur án gildra réttinda. Fluttur á lögreglustöð í hefðbundið ferli og laus að blóðsýnatöku lokinni.