Ætlar að reka ríkisstjórnina verði hann kosinn forseti

„Fyrsta sem ég mun gera ef ég verð forseti er að reka alla ríkisstjórnina eins og hún leggur sig.“ Þetta segir sjálftitlaði þjóðfélagsverkfræðingurinn Axel Pétur Axelsson í samtali við Fréttablaðið en hann hyggst bjóða sig fram til embættis forseta Íslands. Axel Pétur ætlar því að bjóða sig gegn sitjandi forseta Guðna Th. Jóhannessyni, sem hefur gefið út að hann sækist eftir endurkjöri.

Segist Axel þegar byrjaður að safna undirskriftum en í viðtalinu er bent á að kosningar verði haldnar safnist nægilega margar undirskriftir. Þess er jafnframt getið að á Ís­landi sé þing­ræði og í því felist að eingöngu Al­þingi geti vikið ríkis­stjórn frá með því að sam­þykkja van­traust á ríkis­stjórnina