Ágústa Ragnhildur Benediktsdóttir, lést á Landspítalanum miðvikudaginn 1. apríl, 78 ára að aldri. Ágústa Ragnhildur lést af völdum COVID-19 kórónaveirunnar.
Ágústa Ragnhildur skilur eftir sig eiginmann, Bjarna Líndal Gestsson, börn og barnabörn.
Ágústa Ragnhildur og Bjarni voru búsett á Ísafirði og hafa búið þar alla sína tíð, og eru þau bæjarbúum vel kunnug og mikil sorg í bænum vegna andláts Ágústu Ragnhildar.
„Ágústa var alveg einstaklega ljúf í allri viðkynningu,“ segir fjölskylduvinur.
Bjarni minnist konu sinnar og 60 ára þeirra saman:
„Ástkær eiginkona mín, móðir okkar, tengdamóðir, amma og langamma, Ágústa Ragnhildur Benediktsdóttir Eyrargötu 6, Ísafirði, andaðist á Landsspítalanum í Fossvogi 1.apríl 2020. Vegna aðstæðna verður jarðaförin auglýst síðar. Fjölskyldan vill koma á framfæri þakklæti til starfsfólks A7 á Landsspítala fyrir alúð og einstaka umönnun við erfiðar aðstæður. Elsku Ágústa mín, þakka þér fyrir öll 60 árin okkar saman.“
