Áhöfnin á varðskipinu Þór fjarlægði hvalshræ sem lá í fjörunni fyrir neðan flugvöllinn á Þórshöfn á Langanesi í morgun. Þetta kemur fram á Facebook-síðu Landhelgisgæslunnar. Meðfylgjandi eru nokkrar myndir, m.a. myndir sem teknar voru úr TF-SIF, eftirlitsflugvél Landhelgisgæslunnar.
Í færslunni segir að hvalrekinn varð við bæinn Syðra Lón í Langanesbyggð um páskana og óttast var að ólyktin sem stafaði af hræinu gæti haft áhrif á æðavarp í grenndinni.
Þegar 400 metrar voru í land fór áhöfn varðskipsins Þórs fór frá skipinu á léttbátum með dráttartaugar hræinu.
„Vel gekk að koma hvalnum á flot enda aðstæður góðar og vinnubrögðin fumlaus. Stefnt er að því að fara með hvalinn ANA af Langanesi en það ræðst af straumum og vindum á svæðinu,“ segir í færslunni. Um 13 metra langan hnúfubak var að ræða.
Færsluna má sjá hér fyrir neðan.