- Auglýsing -
Almar Yngvi Garðarsson, sem leitað hefur verið síðan lýst var eftir honum síðdegis í gær, fannst látinn í kvöld. Almar var 29 ára og lætur eftir sig sambýliskonu og son.
Kom þetta fram í tilkynningu frá lögreglunni en hafði bíll Almars fundist í Hafnarfjarðarhöfn fyrr í kvöld.
Andlátið er ekki talið hafa borið að með saknæmum hætti. Vilja aðstandendur koma á framfæri þakklæti til allra þeirra er tóku þátt í leitinni. Fjölmargir komu að leitinni en viðamikil leit hafði staðið yfir eftir að lögreglan á höfuðborgarsvæðinu lýsti eftir honum í gærdag.
Mannlíf vottar aðstandendum innilega samúð sína