Twitter-færsla sem rithöfundurinn Auður Jónsdóttir birti um helgina hefur vakið mikla athygli undanfarna daga. Í færslunni skrifar Auður um swing-menningunni á Seltjarnarnesi og vísbendingu sem Seltirningar gefa öðrum sem merki um að þeir hafi áhuga á að stunda makaskipti.
Í færslu Auðar kemur fram að áhugasamir um swing-partí þurfi að setja ananas í kröfuna sína á ákveðnum tíma í Hagkaupsversluninni á Eiðistorgi. „Þá gefurðu merki að þú sért til í makaskipta-partí. Það er víst svo mikið swing-að á Nesinu!,“ skrifaði Auður m.a. í færslu sína.
Umhyggjusöm vinkona: Ef þú setur ananas í körfuna þína á ákveðnum tíma í Hagkaup úti á Nesi, þá gefurðu merki að þú sért til í makaskipta-partí. Það er víst svo mikið swing-að á Nesinu!
— Auður Jónsdóttir (@audurjonsdottir) January 4, 2020
Síðan Auður birti færsluna hafa ýmsar spurningar vaknað hjá netverjum. Til dæmis um hvenær merkið sem um ræðir skal gefið.
Heimildarmaður Mannlífs, sem vill ekki láta nafns síns getið, segir að ekki sé að nóg að setja einn ananas í körfuna. Ananasarnir þurfa að vera tveir og merkið þarf að vera gefið síðdegis á föstudögum.
Heimildarmaðurinn segir þetta tiltekna merki hafa verið notað hjá swingerum í nokkuð langan tíma.
Sjá einnig: Segir swing-partí algeng á Seltjarnarnesi