Lögreglan hafði afskipti af manni í mjög annarlegu ástandi við Austurvöll um hálfsexleytið í gær. Maðurinn hafði verið að áreita fólk. Hann var handtekinn og færður á lögreglustöð þar sem hann var síðan vistaður í fangageymslu lögreglu sökum ástands.
Er þetta á meðal mála sem koma fyrir í dagbók lögreglunnar.
Bifreið stöðvuð í hverfi 110 rúmlega 18 í gær.. Ökumaðurinn er grunaður um akstur bifreiðar undir áhrifum fíkniefna, ítrekaðan akstur sviptur ökuréttindum og rangar sakargiftir.
Bifreið stöðvuð í hverfi 105, rétt fyrir klukkan 21, þar sem röng númer voru á bifreiðinni. Ökumaðurinn er grunaður um akstur bifreiðar undir áhrifum fíkniefna, ítrekaðan akstur sviptur ökuréttindum , vörslu fíkniefna, þjófnað á skráningarmerkja og misnotkun skráningarmerkja. Bifreiðin var ótryggð og númer klippt af.
Laust fyrir klukkan 22 var bifreið stöðvuð við Skúlagötu. Ökumaðurinn er grunaður um akstur bifreiðar undir áhrifum fíkniefna, akstur án gildra ökuréttinda og brot á lyfjalögum..
Tveir aðrir ökumenn voru stöðvaðir, annar í Árbæ og hinn í Breiðholti, grunaðir um akstur bifreiðar undir áhrifum fíkniefna.