Ari komst ekki áfram í Eurovision

Eurovision-farinn Ari Ólafsson komst ekki upp úr fyrri undanúrslitariðlinum í kvöld, þrátt fyrir óaðfinnanlegan flutning á laginu Our Choice í Altice-höllinni í Lissabon í Portúgal.

Tíu lög komust upp úr riðlinum, en stigin voru sambland af einkunn dómara og símakosningu. Ekki hefur verið gefið upp hve mörg stig hvert lag fékk.

Lögin sem komust áfram í úrslit, sem haldin verða laugardagskvöldið 12. maí, eru eftirfarandi:

Austurríki – Nobody But You – Cesár Sampson

Eistland – La Forza – Elina Nechayeva

Kýpur – Fuego – Eleni Foureira

Litháen – When We’re Old – Ieva Zasimauskaité

Ísrael – TOY – Netta

Tékkland – Lie to Me – Mikolas Josef

Búlgaría – Bones – EQUINOX

Albanía – Mall – Eugent Bushpepa

Finnland – Monsters – Saara Aalto

Írland – Together – Ryan O’Shaugnessy