Mikil spenna hefur verið undanfarið í jörðu á Reykjanesi vegna jarðhræringa og seinna eldgoss. Spennan náði þó ekki aðeins til náttúrunnar því ofurspenntir fjölmiðlar tókust á um besta sætið í þyrluflugi yfir svæðið.
Blaðamaður Morgunblaðsins lýsir því í frásögn sinni af þyrluflugi á gosstöðvarnar þegar Árni Sæberg, ljósmyndari Moggans, og Kristján Már Unnarsson, fréttamaður Stöðvar 2, deildu um sætaskipan við upphaf ferðarinnar. Árni var mættur í þyrluna þegar Kristján Már kom aðvífandi og vildi sæti Árna. Þekkt er á vettvangi að sjónvarpsstjörnur eiga það til að olnboga sig fremst. Ljósmyndarinn gaf ekkert eftir þótt Kristján Már segðist verða „í beinni“ og þyrfti sætið. Þyrlan tók því á loft með ljósmyndarann í hásætinu en ósáttur Kristján Már þurfti að láta í minni pokann …