Eldhress Íslendingur beraði sig á gosstöðvunum um helgina við misgóðar undirtektir nærstaddra. Útlendingar sem búsettir eru hérlendis eru meðal þeirra sem trúðu varla sínum eigin augum og hneykslast á myndbandinu sem finna má hér að neðan.
Emma er ein hinna hneyksluðu og tjáir hún skoðun sína í hópi útlendinganna á Facebook:
„Geta naktir pervertar vinsamlegast haldið sig fjarri gígnum? Ég trúi varla því sem ég varð vitni að.“
Það var mikið fjör við gosstöðvarnar um helgina og margir sögðu að hálfgert þjóðhátiðarstuð hafi myndast. Aron Tómas ljósmyndari var að taka myndir þegar þessi eldhressi náungi reif sig úr fötunum og tók léttan snúning og nokkur dansspor áður en hann vippaði sér í fötin aftur.
„Þetta er bara strangheiðarlegur Íslendingur skilst mér. Hann hefur enn ekki haft samband en ég bara bíð. Ég hló eiginlega bara, og tók svo upp myndavélina. Ég hef yfirleitt mjög gaman af svona vitleysu, þó vissulega þetta hafi ekki verið það sniðugasta í kringum allt fólkið, en ég tók þessu bara vel. Þetta er bara skemmtilegt myndefni fyrir ljósmyndara!“ segir Aron Tómas en fleiri myndir frá Aroni af gosstöðvunum má finna hér.
Andrea er ein þeirra sem furðaði sig á uppátækinu:
„Er svona stemmarinn við gosið? ekki skŕítið að fólk sé að ofkælast.“
Fjöldi vitna var að atburðinum og drógu margir upp símana að mynda óþekkta náttúrubarnið. Myndir og myndbönd hafa farið eins og eldur í sinu um samfélagsmiðlana eins og sjá má. Sumum fannst hann bráðfyndinn á meðan aðrir voru minna hrifnir eins og sjá má.
Arnar frændi að skoða hraunið pic.twitter.com/EHVBbwrYlI
— viktor (@vktroliversson) March 22, 2021
Hver er maðurinn? Essasú?
Spá: Það verður haldin kakóseremónía í Geldingadal um helgina.
— Bergsteinn Sigurðsson (@bergsteinn3) March 20, 2021