Landsliðsfyrirliðinn Aron Einar Gunnarsson, er afar ósáttur og fordæmir þá ákvörðun að hann verði ekki í leikmannahópi fyrir komandi landsleiki, líkt og Mannlíf greindi frá fyrr í dag. Aron telur að KSÍ hafi sett hann til hliðar vegna „krafna sem byggist á óljósum orðrómi“ og þvertekur fyrir að beitt ofbeldi.
Hann sendi frá sér yfirlýsingu þar sem Aron fullyrðir að útilokunarmenning viðgangist innan KSÍ, sem eigi ekki að líðast. Hann segist einnig ekki hafa fengið tækifæri til að ræða formlega um atburð sem eigi að hafa átt sér stað í Kaupmannahöfn fyrir ellefu áru síðan og ætlar hann að óska eftir því við lögregluyfirvöld að fá að gefa skýrslu um þetta kvöld árið 2010.
Sjá einnig: Segir tvo þjóðþekkta Íslendinga hafa nauðgað sér ítrekað: „Ég skila skömminni, FOKKIÐ YKKUR “
„Á samfélagsmiðlum hefur verið til umræðu atburður sem sagt er að hafi átt sér stað í Kaupmannahöfn 2010. Ég hef ekki fengið tækifæri til að ræða málið formlega við KSÍ, eða verið gefinn kostur á standa á rétti mínum gagnvart ávirðingunum, og því sárnar mér þessi fyrirvaralausa ákvörðun um að verða settur út úr liðinu.
Í ofanálag hefur lögregla aldrei haft samband við mig vegna nokkurs máls. Ég hef engar tilkynningar fengið um að ég hafi á einhverjum tímapunkti verið undir grun og aldrei verið boðaður í yfirheyrslu.“
„Hafi einhver eitthvað út á mig að setja þá bið ég viðkomandi vinsamlegast að hlífa mér ekki, ásaka mig frekar og nafngreina og gefa mér kost á að verja mig. Það er heiðarlegt.“
Sjá einnig: Aron fyrirliði sagður bannaður frá landsliðinu – Fjarveran útskýrð síðar segir þjálfarinn