Eins og Mannlíf fjallaði um í gær voru tveir palenstínskir hælisleitendur gabbaðir til þess að mæta í höfuðstöðvar Útlendingastofnunar í því skyni að þeir ættu að sækja þar bólusetningaskírteini sín. Mennirnir höfðu áður gengist undir bólusetningu eftir að búið var að full vissa þá um að þeim yrði ekki vísa úr landi ef þeir samþykktu bólusetningu. Hins vegar var það allt annað og verra en skírteinið sem beið þeirra hjá UTN. Mennirnir voru beittir harðræði og hræðilegu ofbeldi að sögn sjónarvotta. Hér má sjá umfjöllun Mannlífs um atburðarásina í gær.
Samkvæmt heimildum Mannlífs gistu mennirnir í fangageymslum lögreglunar í nótt og voru fluttir af landi brott til Grikklands klukkan fimm í morgun.
Síðan atburðurinn komst í hámæli hefur fólk tjáð sig um atvikið á samfélagsmiðlum. Hrafn Jónsson tísti þessu „Nú þegar Sjálfstæðisflokknum er skyndilega umhugað um verklagsreglur lögreglunnar eftir Ásmundarsalsmálið þá væri gaman að heyra hvað þeim finnist um þetta verklag, þetta er nú eini sinni þeirra ráðuneyti“.
Þarna á hann við framgöngu Áslaugar Örnu í Ásmundarsafnsmálinu en þar er hún talin hafa farið stórum og gengið hart að lögreglunni og gagnrýnt vinnubrögð hennar. Þar sem hún, dómsmálaráðherra ætti hún nú sem aldrei fyrr að láta í sér heyra, hafi hún ekki einungis beitt sér eins og hún gerði vegna þeirrar staðreyndar að fjármála- og efnahagsráðherrann, Bjarni Benediktsson var staddur í Ásmundarsafni á Þorláksmessukvöld 2020 þegar brotið var á sóttvarnarlögum og lögregla hafði tekið fram í dagbókarfærslum sínum að ráðherra hefði verið staddur á staðnum. Nú verður fróðlegt að sjá hversu oft Áslaug Arna hringir í Höllu Bergþóru Björnsdóttur lögreglustjóra vegna máls palenstínsku hælisleitendanna.
Sema Erla Serdar lagði orð í belg á Twitter líka „Sérstaklega smart þessir fulltrúar íslenskra yfirvalda sem standa með hendur í vösum og horfa rólegir á lögreglu beita hörku og offorsi á hælisleitendur sem voru lokkaðir til útl á fölskum forsendum svo hægt væri að handtaka þá og brottvísa til Grikklands“.
Þórunn Ólafsdóttir velti fyrir sér afhverju UTN væri með jafn viðkvæmar upplýsingar og bólusetningarskírteini fólks í sínum fórum. „Hvað er Útlendingastofnun að gera með bólusetningarvottorð umsækjenda um alþjóðalega vernd? Ég fékk mitt í gegnum heilsugæsluna og ræð sjálf hverjum ég sýni það, eins og aðrar upplýsingar úr minni sjúkraskrá. Hver ákvað að útl fengi óheftan aðgang að svona viðkvæmum upplýsingum?“.
Óskar Steinn hafði þetta að segja: „Áslaug Arna mögulega búin að hringja nokkrum sinnum í dag út af þessu máli, en þá í KOM almannatengsl frekar en lögreglu eða ÚTL“.