Auður Jónsdóttir rithöfundur og sjálfstætt starfandi blaðakona, er afmælisbarn dagsins en hún er 49 í dag.
Síðan Auður hóf rithöfundaferil sinn árið 1998, hefur hún verið ansi iðin við kolann en eftir hana liggja fjölmargar skáldsögur, barnabækur og smásögur. Fyrir bók hennar, fólkið í kjallaranum hlaut Auður Íslensku bókmenntaverðlaunin en einnig hefur hún í tvígang fengið bókmenntaverðlaun kvenna. Nýverið var frumsýnd kvikmyndin Skjálfti sem byggð er á skáldsögu Auðar, Stóri skjálfti sem út kom 2015.
Mannlíf bjallaði á Auði og spurði hana hvort og þá hvernig hún ætlaði að halda upp á daginn.
„Já ég ætla að byrja á að fá mér morgunmat og svo hitti ég vinkonu mína sem er fædd á sama stað og á sama tíma og ég. Hún er búin að vera vinkona mín allt lífið en hún heitir Helga Soffía Einarsdóttir og við höfum verið samferða um lífið á mjög fyndinn hátt. Svo er ég að skrifa uppistand fyrir uppistandssýninguna Kítl sem ég tek þátt í annað kvöld á Kex hostel. Svo var ég beðin að skrifa í leikskrá fyrir Borgarleikhúsið þannig að ég er að fara á rennsli í kvöld til að geta skrifað um verkið. Þannig að þetta verður svona skemmtilegur vinnudagur.“
Mannlíf óskar Auði innilega til hamingju með afmælið!