Norðurlandameistaramótið í frjálsíþróttum fer fram í Espoo í Finnlandi og teflir Ísland fram sameiginlegu liði með gömlu nýlenduherrunum, Danmörku, gegn liðum frá Finnlandi, Svíþjóð sem og Noregi.
Íslendingurinn Baldvin Þór Magnússon hefur verið nánast óstöðvandi að undanförnu; bætti á dögunum Íslandsmetin í 3.000 metra og 1.500 metra hlaupum.
Íslandsmetið Baldvins í 3.000 metrunum frá því um daginn er 7:45,13 mínútu; hann stórbætti það í Finnlandi um rúmar fimm sekúndur; hljóp 3.000 metrana á 7:39,94 mínútum og tryggði sér .ar með sjálfan Norðurlandameistaratitilinn.
Baldvin hafði betur eftir spennandi baráttu við Norðmanninn Filip Ingebrigtsen – sem er fyrrverandi Evrópumeistari í 1.500 metra hlaupi.
Kom Baldvin þremur hundraðshlutum úr sekúndum á undan Ingebrigtsen í mark og náði EM lágmarkinu. Var tími Baldvins í dag svo góður að hann er til dæmis betri en sigurtímarnir á síðustu fjórum Evrópumótum innanhúss. Baldvin er því einfaldlega til alls líklegur á Evrópumótinu í mars.