Glúmur Baldvinsson er með þeim skemmtilegri – það veit alþjóð svo sem alveg.
Hann segir að „í dag fóru foreldrar mínir á sjávarútvegssýninguna miklu í íþróttahöllinni í Kópavogi. Þar koma saman 600 erlend fyrirtæki og 400 íslensk. Eða öfugt. En alla vega þúsund fyrirtæki.“
Bætir við:
„En það skiptir ekki öllu máli heldur sú staðreynd að þar var margt um manninn og mikið gaman og hittu þau hjón hið skemmtilegasta fólk sem sumt hafði sterkar skoðanir á slæmri stöðu í íslenskri pólitík nú á dögum og skort á alvöru pólitíkusum með vitsmuni og ónaglalökkuðum.“
Heldur áfram:
„Einn sagðist sakna þeirra tíma er stjórnmálamenn höfðu pung. Annar sagði eitthvað á svipuðum nótum og sá þriðji að hann vildi Jón Baldvin aftur en það sem sá fjórði sagði vakti mest athygli mína.“
Sem var hvað?
„Það var þetta: Jón Baldvin það sem ólíkt er með skrifum ykkar feðga er að Glúmur höfðar til tilfinninga fólks en þú til vitsmuna þess. Svo mörg voru þau orð. Ég er ekki viss um að ég fíli þessi ummæli. Þarf að finna þann mann í fjöru.“