Lögregla var kölluð til í gærkvöldi vegna barns sem hafði fallið í jörðina í miðbæ Reykjavíkur. Ekki kemur fram í dagbók lögreglu hvað olli fallinu en var barnið flutt til skoðunar á bráðamóttöku. Síðar um kvöldið féll einstaklingur af rafskútu í Hlíðunum. Sá taldi sig hafa misst stjórn á hjólinu vegan ísingar á gangstétt. Í sama hverfi skömmu síðar var lögregla kölluð til á hótel. Þar var ölvaður einstaklingur grunaður um þjófnað en var hann heldur ósáttur við afskipti lögreglu. Eftir að hann reyndi að hrækja á lögreglumenn var hann handtekinn og látinn gista í fangaklefa þar til hann verður viðræðuhæfur.
Þá barst lörgreglu einnig tilkynning um tvö innbrot í Hlíðunum. Í Kópavogi féll maður niður af húsþaki þar sem verið var að vinna. Var hann fluttur á bráðamóttöku til skoðunar en sem betur fer voru meiðsli ekki alvarleg. Í Grafarvogi kom lögregla ósjálfbjarga manni til hjálpar á veitingastað. Maðurinn var ofurölvi og ekki tókst að koma honum til síns heima. Var hann því látinn gista bak við lás og slá þar til rennur af honum.