Donald Trump Bandaríkjaforseti kynnti ný viðmið og ráðleggingar í gær sem teymi hans hefur sett saman. Læknirinn Deborah Birx stýrir samhæfinganefnd Hvíta hússins vegna COVID-19. Trump og Birx kynntu nýjar leiðbeiningar sem hún og fleiri settu saman.
Nú er mælst til þess að Bandaríkjamenn reyni draga úr öllum ferðum og samkomum. Trump biður fólk um að stunda sína vinnu og nám heiman frá sé það möguleiki. Hann biður fólk um að forðast ónauðsynleg ferðalög og samkomur þar sem fleiri en tíu koma saman.
Eins biður hann fólk um að forðast bari, veitingastaði og aðra staði þar sem margir koma saman.
Trump sagði að ef allir munu fylgja þessum fyrirmælum ætti árangur að nást. „Þá munum við sigrast á veirunni.“
Trump og Birx bentu á að nú þyrftu allir að gera sitt besta til að draga úr útbreiðslu, líka þeir sem er heilsuhraustir. Hún sagði málið snúast um samkennd þar sem fólk þarf að hugsa um eigin heilsu en líka velferð samlanda sinna.
Birx lagði áherslu á að allir þeir sem eru slappir og með flensueinkenni haldi sig heima.
Um 4,500 smit hafa greinst í Bandaríkjunum og 88 hafa látist þar í landi af völdum COVID-19.