Birgir Örn Guðjónsson fylgdist hugfanginn með þegar Joe Biden tók við sem forseti Bandaríkjanna. Þá dásamar Birgir Örn eða Biggi lögga eins og hann er gjarnan kallaður Bandaríkin. Hann segir á samfélagsmiðlum að það sé staðreynd að Bandaríkin séu í fararbroddi í lýðræði, framförum, listum og menningu í heiminum.
„Þegar hriktir í stoðum þessara voldugu sameinuðu ríkja þá hriktir í stoðum alls heimsins. Við hin höfum horft upp til þessa stóra bróður. Stundum pirruð, stundum stolt en alltaf tengd.“
Við áhorfið heltist yfir Birgi stolt sem hann hafði aldrei fundið áður og kallar hann Bandaríkin stóra bróður okkar Íslendinga.
„Ég er stoltur af þessum stóra bróður,“ segir Birgir Örn og telur bjartari tíma framundan. „Ég er sannfærður um að svo sé. Ég finn ekki neinn kjánahroll. Ég átta mig á mikilvægi og styrk þessa volduga lands.“
„Þá snýr Birgir Örn út úr fleygum ummælum John F. Kennedy, fyrrverandi forseta Bandaríkjanna, breytir henni og gerir að sinni og óskar heiminum til hamingju með vonina.“
„Allir frjálsir einstaklingar, sama hvar þeir búa, eru borgarar Bandaríkjanna. Og því get ég sem frjáls maður sagt með stolti I am an Amarican.“