Á fundi Umhverfis- skipulagsráðs Reykjavíkurborgar í gærmorgun var tillaga að breytingum á gjaldskyldu fyrir bílastæði Reykjavíkurborgar samþykkt.
Tillagan felur í sér hækkun bílastæðagjalda á gjaldsvæði P1 um 40% og verði 600 kr. á hverja klukkustund og hámarkstími verði 3 klukkustundir. Einnig verður gjaldtaka lengd til klukkan 21:00 alla virka daga og laugardaga auk þess sem gjaldtaka verður sett á á sunnudögum sem mun hefjast klukkan 10:00 að morgni og ljúka klukkan 21:00.
Eins er lagt til að gjaldtaka verði afnumin á gjaldsvæði P3 á laugardögum en annað verður óbreytt frá gildandi tilhögun.
Fulltrúar Sjálfstæðisflokksins lögðu til að breytingarnar yrðu kynntar samtökum rekstraraðila í miðborginni og viðkomandi íbúaráðum og samtökum í hverfum miðborgarinnar áður en til endanlegrar afgreiðslu kæmi en sú málsmeðferðartillaga var felld.
Áheyrnarfulltrúi Sósíalistaflokksins kallaði breytingarnar róttækar og óverjanlegt að hækka gjöld á meðan þjónusta strætó væri ófullnægjandi. Fulltrúinn sagðist myndi styðja breytingarnar ef tryggt væri að tíðni ferða strætó myndu aukast og þjónustan bætt en á meðan svo væri ekki þar sem margt fólk ætti sér ekki annara kosta völ en að nota einkabíl.
Áheyrnarfulltrúi Flokks fólksins gerir bendir á að breytingarnar myndu hafa mikinn fælingarmátt fyrir þá sem koma akandi í bæinn og að hækkanir á gjöldum myndi hafa áhrif á verðbólgudrauginn.