- Auglýsing -
Bandaríski tónlistarmaðurinn Bill Withers er látinn, 81 árs að aldri. AP fréttastofan greinir frá.
Withers er einna þekktastur fyrir lagið Ain’t No Sunshine sem kom út árið 1971. Hann gaf út átta breiðskífur frá árinu 1971 til ársins 1985. Hann hætti að senda frá sér tónlist um miðjan níunda áratuginn.
Fjölskylda Withers greindi frá andlátinu og segir hann hafa látist úr hjartabilun á mánudaginn í Los Angeles. Withers átti tvö börn.
Withers hlaut þrjú Grammy verðlaun á lífsleiðinni.