Í eina tíð tók Billboard vinsældarlistinn mið af plötusölu; í dag er staðan nokkuð flóknari. Taka þarf tillit til sölu áþreifanlegra eintaka, sölu rafrænna eintaka og streymis á síðum á borð við Spotify. Frá og með deginum í dag bætist svo enn ein breytan við, þ.e. spilanir á YouTube.
Breytingin er sögð í takt við nýjar áherslur; í stað þess að ákvarða vinsældir útfrá sölu eingöngu er nú horft til neyslu. Sérfróðir segja að hún gæti haft töluverð áhrif fyrir ákveðna listamenn, ekki síst þá sem framleiða tónlist sem er mikið neytt og notið í gegnum YouTube.
Þá munu tónlistarmenn án efa sjá sér leik á borði og mögulega gefa út ný myndbönd fyrir gömul lög, allt til að komast á vinsældarlistann. Það gerði t.d. Mariah Carey á dögunum, í tilefni 25 ára afmælis All I Want For Christmas Is You.