Bíósal breytt í penthouse íbúð – marmari á gólfum og fimm metra lofthæð

Penthouse íbúð sem var áður B-salur Stjörnubíós er komin á sölu.
Íbúðin sem er 145,9 fermetrar hefur sannkallaðan „New York“ stíl með glæsilegu útsýni til norðurs yfir Faxaflóa og Esjuna.
Íbúðin er á tveimur hæðum og skráð tveggja til þriggja herbergja. Eignin var tekin í gegn á árunum 2002-2006 þar sem skipt var um gler og glugga, pípulagnir, rafmagn og innréttingar endurnýjaðar. Þá var settur hiti í gólfið á neðri hæð íbúðarinnar. Lind fasteignasala hefur þessa einstöku eign á skrá.
Innréttingar í eldhúsi eru sérsmíðaðar með Miele tækjum og granít borðplötu. Þá er stærðarinnar vínkælir sem setur punktinn yfir iið en er eldhús og stofa samliggjandi.
Gólfefni á neðri hæð, stiga, palli og gluggakistum er marmari og íslenskt blágrýti.
Frekari upplýsingar má finna á vef fasteignasölunnar.