Mikil ólga er vegna skýrslu Ríkisendurskoðunar um sölu á bréfum í Íslandsbanka. Stjórnarandstaðan er á einu máli um að niðurstaðan sé klúður. Ráðherrann Lilja Alfreðsdóttir er á sama máli og hefur frá upphafi lýst áhyggjum sínum af bankabrallinu. Bjarni Benediktsson fjármálaráðherra liggur undir ámæli fyrir að eiga stærstan hlut í klúðrinu. Hann er þó keikur, ber af sér sakir, og bítur frá sér. Sjálfstæðismenn og VG standa með honum.
Það er mál manna að Bjarni sé heppinn að skýrslan hafi ekki komið fram fyrir landsfund Sjálfstæðisflokksins. Slíkt hefði getað kostað hann formannsstólinn. Nú er aftur á móti staðan sú að hann er laskaður, eins og Eiríkur Bergmann Einarsson prófessor orðaði það í gjölmiðlum. Eiríkur metur stöðu hans þannig að hann muni standa af sér málið. Það er reyndar einkenni Bjarna sem stjórnmálamanns að hann stendur af sér hneykslismálin og ekkert hefur enn orðið honum að falli. Hann nýtur þess sem fyrr að vera í skjóli Vinstri grænna sem margir eru hæstánægðir með sinn mann …