- Auglýsing -
Tónlistarkonan Björk Guðmundsdóttir kom öllum á óvart í vikunni þegar hún tilkynnti að allar níu plötur hennar, allt frá Debut (1993) til Utopiu (2017), yrðu gefnar út á kassettum.
Aðdáendur tónlistarkonunnar eru í skýjunum yfir fréttunum en kassetturnar munu koma út í takmörkuðu upplagi. Fyrir skömmu sendi Björk frá sér glænýja stuttermaboli og er það, ásamt kassettunum, liður í svokallaðri 90´s-endurvakningu.
Þess má geta að Björk er um þessar mundir að gera sig klára fyrir eina vönduðustu tónleika sem hún hefur haldið en þeir fyrstu fara fram í maí á nýjum listavettvangi sem nefnist The Shed og er staðsettur á Manhattan í New York.
Áætlað er að gefa kassetturnar út 26. apríl en hægt er að panta þær fyrir fram á síðunni shop.bjork.com.
