Blaðamenn á prentmiðlum í verkfall á morgun

Að öllu óbreyttu stefnir í verkfall á morgun hjá blaðamönnum og ljósmyndurum sem starfa við prentútgáfu hjá Fréttablaðinu og Morgunblaðinu. Verkfallið stendur frá 10:00 til 22:00.

Þetta verður fyrsta vinnustöðvunin á prentmiðlum í verkfallsaðgerðum Blaðamannafélags Íslands en þrjár fyrri vinnustöðvanir blaðamanna tóku aðeins til netmiðlanna mbl.is, frettabladid.is, ruv.is og visir.is.

Þann 30. október samþykktu blaðamenn að fara í verkfall. Alls voru 211 félagsmenn BÍ á kjörskrá og 131 greiddu atkvæði. Tillagan var samþykkt með 83,2% greiddra atkvæða.

Sjá einnig: Blaðamenn samþykktu að fara í verkfall