Sannkallaðir blóðdagar eru hjá Íslandsbanka þar sem topparnir fjúka einn af öðrum. Um helgina fylgdu tveir stjórnendur í kjölfar Birnu Einarsdóttur og hættu störfum. Atli Rafn Björnsson, sem stjórnaði fyrirtækjaráðgjöf Íslandsbanka, hætti í gær. Áður höfðu Birna Einarsdóttir og Ásmundur Tryggvason vikið úr störfum sínum vegna áfellisdóms um störf þeirra sem felst í skýrslu Fjármálaeftirlitsins. Vísir greinir frá því að Ellert Hlöðversson, sem leitt hefur verðbréfamiðlun Íslandsbanka frá því á síðasta ári, taki við starfi Atla Rafns. Búsit er við að fleiri úr starfsliði bankans eigi eftir að víkja.
Mikill þrýstingur er á stjórn Íslandsbanka að upplýsa hveð felst í starfslokasamningum Birnu Einarsdóttur og annarra sem eru brotlegir að mati Fjármálaeftirlitsins og kostuðu bankann sekt upp á 1200 milljónir króna. Stjórnin hefur sagt að starfslokasamningur Birnu muni koma fram í árshlutauppgjöri bankans. Tveir nefndarmenn í fjárlaganefnd, Þórarinn Ingi Pétursson og Bryndís Haraldsdóttir, hafa krafist þess að starfslokasamningur Birnu verði gerður opinber.
Gengi bréfa Íslandsbanka skrapar botninn. Brotthvarf bankastjórans hafði lítil áhrif til að lyfta genginu. Dagurinn í dag mun svo leiða í ljós hvernig fjárfestar taka brotthvarfi stjórnendanna.