Tískudrottningin Svava Johansen, eigandi NTC, fagnar samkeppni og segir netverslunina Boozt ekki vera fyrstu áskorunina. Svava hefur rekið tískuverslanir í áratugi og lítur út fyrir að hún sé hvergi nærri hætt.
Segir Svava í viðtali við Vísi borgaryfirvöld ekki taka nægilega sterka stöðu með verlunarmönnum og atvinnurekendum. Það séu þeir sem geri borgina skemmtilega og haldi henni lifandi með verslunum og veitingastöðum.
Boozt hafði selt vörur fyrir tæpan milljarð á Ísland á aðeins fimm mánuðum eða frá júlí til nóvember á þessu ári. Þá má finna mikið úrval á netversluninni sem selur meðal annars sum af sömu vörumerkjum og NTC. Greindi Innherji frá þessu á dögunum. Þá virðist kauphegðun hafa breyst frá því að samkömutakmarkanir tóku gildi og viðskipti í vefverslunum aukist. Þrátt fyrir það virðist koma Boozt hafa ýtt undir kaupgleði landans frekar en að taka frá öðrum verslunum
Svava segir verslanir vera að breytast og verða skemmtilegri.
„Hefðbundnar verslanir í öllum borgum eru að bregðast við netverslun. Búðir eru að verða miklu skemmtilegri, verslunareigendur eru farnir að vinna mikið með lyktir, með að búa til ákveðinn heim þegar þú gengur inn í búðirnar“.
Ljóst er að Svava er með puttan á púlsinum þegar kemur að þróun verslana og segist hún vera spennt fyrir framhaldinu.