Það er engin synd þó búkurinn leysi vind. Hins vegar getur það þótt hin mesta hneisa þegar píkan gerir það.
Vera Sófusdóttir, pistlahöfundur Vikunnar, fer yfir þetta í nýjasta tölublaðinu sem kom út í dag. „Prumpað með píkunni“ er yfirskrift pistilsins en þar biðlar til Braga Valdimars Skúlasonar, einn af þáttarstjórnendum Kappsmála, texta- og lagahöfund að finna fallegt orð yfir píkuprumpið.
Bragi Valdimar hefur nú svarað kallinu á Twitter síðu sinni og bjó til ljóð þar sem orðin „klofsöngur, skapasköll, skuðahvinur og láfuköll“ voru sköpuð. Hann bætir um betur með orðunum „barmabrak, budduhljóð, físukvak, pík–atsjú, rifuraul, rjáfurgola auk annarra orða.
Hann slær botninn í ljóðið með orðunum:
En þó það máski kveiki krump
— kallast þetta píkuprump.
Nú er aldrei að vita nema Bragi Valdimar hnoði í fallegt lag við píkuprumpsljóðið fyrir næsta konudag enda kominn með góðan efnivið.
Klofsöngur & skapasköll
skuðahvinur, láfuköll.
Tussupískur, barmabrak
budduljóð & físukvak.
Pík–atsjú & rifuraul
rjáfurgola, pjásubaul.
Kússugjálfur, klobbaflaut,
kórpjása & tónaskaut.
Neðribæjardirrindí
dalagola, pjallerí.En þó það máski kveiki krump
— kallast þetta píkuprump. pic.twitter.com/5TsbwkF6Py— Bragi Valdimar (@BragiValdimar) December 10, 2020