- Auglýsing -
Brynjar Níelsson, fyrrverandi þingmaður Sjálfstæðisflokksins, segir að „í vestrænum lýðræðisríkjum er menntun betri og meiri en víðast hvar annars staðar. En það virðist ekki hafa áhrif á gáfur og dómgreind okkar til batnaðar nema síður sé.“
Hér koma nokkur dæmi:
„Stjórnmálamenn trúa að þeir geti samið um hitastig og veðurfar á jörðinni til framtíðar. Ef svo er vil ég að Íslendingar semji um að veðurfar á Íslandi verði það sama og á landnámsöld þegar landið var skógi vaxið frá fjöru til fjalls og meðalhiti 2 gráðum hærri en í dag.“
Heldur áfram og skýtur á hina sænsku Gretu Thunberg:
„Ungmenni, sem ekki náði að ljúka grunnskóla vegna loftslagskvíða, er sæmd heiðursdoktorsnafnbót við vestræna háskóla. Sambærilegir elítuhópar veita peningaverðlaun til manns sem ljóstraði upp um mútur en var aðalgerandi í því broti að eigin sögn.
Aðrir brotamenn í því máli hafa enn ekki fundist hér á landi.
Er von að spurt sé á hvaða vegferð við erum. Þá held ég að þessi svokallaða 68 kynslóð hafi verið heldur skárri. Hún var allavega skemmtilegri og vitleysan stóð stutt yfir.“