Áhrifavaldurinn Lína Birgitta Sigurðardóttir hélt upp á þrítugsafmælið sitt um síðastliðna helgi. Mikið var lagt í kræsingar og skreytingar líkt og helstu vefmiðlar hafa nú þegar fjallað um. Vinkonur Línu Birgittu jusu yfir hana veglegum peningagjöfum sem margar hverjar voru settar fram og skreyttar með mjög frumlegum hætti. Línu Birgittu til mikillar skemmtunar ef marka má Ingstagram reikning hennar.
Glöggir fylgjendur tóku hins vegar eftir því að í afmælisveislunni var enga Camy að sjá. Camy eða Camilla Rut Rúnarsdóttir, er hluti af íslensku áhrifavaldasenunni og hefur hingað til verið góð vinkona Línu Birgittu. Það kann því að skjóta skökku við að hún hafi hvergi verið sjáanleg í veislunni og margir farnir að velta vöngum sínum yfir þessu.
Sjá einnig: Lína Birgitta hélt upp á stórafmælið með stæl! – Sjáðu myndirnar
,,Helmingurinn af fjölskyldunni er með ælupest,“ sagði Camilla á Instagram reikningi sínum um helgina. Sú afsökun er alltaf góð og gild klassík.
Margir endurupplifa þessar aðstæður og minnast þess þegar áhrifavaldurinn Sólrún Diego hélt upp á afmælið sitt í byrjun árs. Þar var heldur engin Camilla Rut, þrátt fyrir að þær tvær höfðu verið óaðskiljanlegar vinkonur um nokkurt skeið.
Margir fylgjendur þessara þriggja áhrifavalda þyrstir í svör. Hvað í ósköpunum varð til þess að anda fór köldu á milli þeirra?