- Auglýsing -
William og Deban, tveir umsjónarmenn Wiwibloggs, gefa Eurovisionatriði Daða og Gagnamagnsins toppeinkunn í nýju myndbandi. Í myndbandinu má sjá þá horfa á framlag Íslands í Eurovision.
Þeir eru hrifnir af atriðinu og segja Daða syngja vel. „Hann getur raunverulega sungið, það er svo mikilvægt.“
Þeir eru sammála um að atriðið minni á 80‘s tölvuleik og lýsa því sem krúttlegu og skemmtilegu. Lagið fær toppeinkunn og líka búningarnir.
„Þetta er svo nördalegt. Ég elska það,“ segir William í myndbandinu.