- Auglýsing -
Næsti þáttur af dansþáttunum Allir geta dansað verður með breyttu sniði. Þá mun danseinvígi ráða úrslitum í bland við símakosningu en hingað til hefur símakosning ein ráðið úrslitum.
Í síðasta þætti var söngkonan Regína Ósk og dansarinn Max Petrov send heim þegar útslit úr símakosningu voru ljós. Dómarar keppninnar lýstu yfir undrun sinni þar sem Regína og Max þótti standa sig vel í keppninni.
Með nýju fyrirkomulagi munu útslit símakosningar leiða í ljós hvaða tvö pör lenda í neðstu sætunum. Þá munu neðstu pörin dansa aftur og dómarar ákveða að lokum hvaða par fer heim. Þessu er sagt frá á vef Vísis en þar segir að alltaf hafi legið fyrir að taka nýja fyrirkomulagið upp á þessu stigi keppninnar.
Þættirnir eru á dagskrá á föstudögum á Stöð2.