„Það hefur orðið mikilvæg viðhorfsbreyting í samfélaginu í þá átt að fíknisjúkdómar eigi að vera meðhöndlaðir sem slíkir innan heilbrigðiskerfisins.“
Þetta skrifar Diljá Mist Einarsdóttir, þingmaður Sjálfstæðisflokksins í pistil á Vísi í morgun.
Segir Diljá það ánægjulegt að meirihluti fjárlaganefndar hafi komið til móts við athugasemdir SÁÁ en hljóðar tillaga um viðbótarframlag upp á 120 milljónir króna.
Í umsögn sem SÁÁ sendi frá sér lýsa þau yfir miklum áhyggjum af framlögum til sín. Þá meta þau það svo að fólk sem glímir við fíknisjúkdóma sé ekki tryggð nauðsynleg heilbrigðisþjónusta.
Vegna Covid takmarkana hafi SÁÁ ekki getað treyst á fjáraflanir sem þau treysta á að stórum hluta.
Þá hafi 455 færri innlagnir verið á árinu 2020 og þeir sjúklingar margir misst af lífsbjargandi meðferðarúrræði.
Bíða nú um 600 manns eftir að komast í meðferð á sjúkrahúsið Vog.
„En betur má ef duga skal.“ skrifar Diljá en segir niðurstöðu fjárlaganefndar ánægjulega.