Dómstóll Mannlífs var spurður um best klædda stjórnmálamanninn og náði naumlega að komast að niðurstöðu.
Það var Bjarni Ben sem landaði sigri með þremur atkvæðum en á hæla honum kom tveir stjórnmaámenn með tvö atkvæði, Björn Leví og Katrín Jakobsdóttir.
Aðrir fengu sitt hvert atkvæðið hver nema að einn meðlima dómstólsins var á því að enginn íslenskra stjórnmálamanna hefði fatasmekk af neinu viti.
Mannlífsdómstóllinn samanstendur af 10 ólíkum einstaklingum sem öll eiga það sameiginlegt að vera skondin og skemmtileg og síðast en ekki síðan en ekki síst, hafa skoðanir á hlutunum.
Hér má sjá svör dómstólsins og spurt er hvort lesendur séu sammála meðlimum dómstólsins?
Bjarni Ben, klassískur!
Dagur, klárlega Dagur.
Kata Jak, alltaf töff klædd.
Björn Leví pírati fyrir að vera á sokkaleistunum á Alþingi. Það er alveg óþolandi óþægilegt að vera í lokuðum skóm innandyra. Löngu tímabært að þingmenn frelsi tærnar, landi og þjóð til heilla.
Bjarni Ben í jakkafötum.
Þær Katrín Jakobsdóttir, Þórhildur Sunna Ævarsdóttir og Lilja Alfreðsdóttir eru mjög vel klæddir stjórnmálamenn. Þær eru smekklegar hver á sinn hátt því allar hafa sinn sérstaka stíl. Af körlunum eru engir sem skera sig úr. Þeir eru frekar einsleitur hópur. Það er af sem áður var þegar Óttarr Proppé og Sigmundur Ernir Rúnarsson lífguðu upp á þingsalinn
Bjarni Ben, nema hvað?
Eyþór Arnalds er alltaf huggulega klæddur.
Enginn er að standa sig varðandi tískusveiflur og mættu allir líta betur út fyrir landann.
Björn Leví, hann hefur stíl og er öðruvísi. Þorir að ganga á móti hefðum. Hefði samt viljað velja besta klædda jarðvísindamanninn. Þeir loga í prjónablöðunum þessa dagana. Nema Kristín.
Eftirfarandi einstaklingar sitja á pallborði Mannlífsdómstólsins:
Gassi Kling, DJ
Jakob Bjarnar Grétarsson, blaðamaður
Nanna Rögnvaldardóttir, matgæðingur og rithöfundur
Sigga Kling, lífskúnstner
Kolbrún Hafsteinsdóttir, framhaldsskólanemi
Birna Magnadóttir, upplýsingafulltrúi
Eva Magnúsdóttir, framkvæmdastjóri,
Gógó Starr, dragdrottning
Steingerður Steinarsdóttir, ritstjóri
Jón Heiðar Ragnheiðarson, umhverfisvinur og markaðsmaður
