Óskar Einarsson, tónlistarstjóri Lindakirkju og Fíladelfíu, hefur ætíð nóg á sinni könnu og má þar nefna gospeltónleika í Fíladelfíu 30. maí. Einnig verða kórtónleikar í Lindakirkju annan í hvítasunnu, 10. júní. Við fengum Óskar til að deila nokkrum staðreyndum um sjálfan sig.
1. Þegar ég var 12 ára að hlusta á kassettu með gospeltónlist Andrae Crouch tók ég ákvörðun um að ég ætlaði að verða tónlistarmaður. Fékk síðan mörgum árum síðar að starfa með honum á að minnsta kosti sex tónleikum hérlendis, í Noregi og Bandaríkjunum.
2. Ég á þrjú yngri systkini en þegar ég var 10 ára eignaðist ég bróður sem lifði aðeins í 21 dag.
3. Varð hrifinn af konunni minni af ljósmynd áður en ég hitta hana í Noregi. Höfum verið saman núna í 33 ár.
4. Ég var orðinn 28 ára þegar ég drakk fyrst áfengi en var þá í Danmörku á jazznámskeiði. Það var 30 stiga hiti og ekki einu sinni drykkjarhæft vatn í boði þannig að ég „neyddist“ til að fá mér bjór.
5. Ég spilaði í fyrsta sinn inn á útgefna kasettu, sem Hjálpræðisherinn gaf út, þegar ég var 12 ára og söng einsöng eitt lagið. Spilaði frá þeim aldri hvern einasta sunnudag í sunnudagaskóla á píanó fram til 24 ára aldurs en þá flutti ég frá Akureyri til Reykjavíkur.