Verkalýðsleiðtoginn Drífa Snædal er afar ósátt við að „Heilsuvernd Hjúkrunarheimili ehf eru tekin við rekstrinum á Hlíð á Akureyri og tvínóna ekki við hlutina,“ segir hún og bætir við:
Sextíu og fjögurra ára gömul kona sem hefur starfað á hjúkrunarheimilinu í tuttugu ár fékk sent þetta bréf,“ sem má sjá með þessari frétt.
Drífa er ekkert að skafa utan af hlutunum og vandar Heilsuvernd Hjúkrunarheimili ehf ekki kveðjurnar og þykir athæfi þeirra ömurlegt:
„Svei þeim og svei arðvæðingunni! Nú á að losa sig við „dýra“ starfsfólkið og ná fram „hagræðingu.“
Hún segir að lokum að „starfsfólkið er fyrst til að taka skellinn; þetta líðst með vitund og vilja ríkis og sveitarfélagsins!“ og greinilegt er á máli Drífu að nú sé hennar mælir fullur varðandi framkomu Heilsuvernd Hjúkrunarheimili ehf við þaulreynt og gott starfsfólk sem sé rekið vegna hás starfsaldurs en ekki vanhæfis í starfi.
Í athugasemd við færslu Drífu má finna þessi viðbrögð frá Höllu Sverrisdóttir – sem er líkt og Drífa meira en lítið ósátt við uppsögn konunnar á hjúkrunarheimilinu:
„Íbúarnir á hjúkrunarheimilinu missa frá sér starfsfólk sem hefur unnið þar lengi; hefur reynslu og þekkingu; fólkið sem íbúarnir þekkja og sem þekkir íbúana og hefur í mörgum tilvikum tengst heimilisfólkinu mikið. Þetta er ömurlegt fyrir þau öll.“