Drukkinn ökumaður brást illa við afskiptum lögreglu. Hann var stöðvaður í austurborginni en reyndi að komast undan hrammi laganna og lagði á flótta. Þetta fór illa því ökumaðurinn endaði utan vegar og velti bifreið sinni. Blessunarlega urðu ekki slys á ökumanni eða farþegum. Maðurinn var handtekinn og hann vistaður í fangageymslu. Hún mun svara til saka með morgninum.
Maður í annarlegu ástandi var handtekinn í miðborginni fyrir minniháttar eignaspjöll. Hann var í það slæmu ástandi að ráðlegast þótti að vista hann í fangaklefa þar sem hann hvílir nú.
Ökumaður stöðvaður í akstri í Laugardalnum. Við skoðun kom í ljós að hann hafði aldrei öðlast ökuréttindi. Ökumaður sviptur bifreiðinni og mál hans afgreitt með sekt.
Búðarþjófar voru á ferð í Hafnarfirði. Mál þeirra afgreidd á vettvangi í báðum tilfellum.
Lögregla var kölluð til vegna líkamsárásar í Breiðholti. Minniháttar meiðsli hlutust af árásinni en fórnarlambið ætlaði að leita á bráðamóttöku til skoðunar. Gerandi er óþekktur.