Fundur vegna deilu Eflingar og Reykjavíkurborgar hefur verið boðaður hjá Ríkissáttasemjara í dag klukkan 14:30. Síðasta fundi lauk án samnings 19. febrúar.
Sólveig Anna Jónsdóttir, formaður Eflingar, hefur greint frá því að hún sé bjartsýn á að hægt verði að semja vegna ummæla Dags B. Eggertssonar borgarstjóra í fjölmiðlum fyrir helgi. Hún segir ummæli hans vera merki um að borgin sé tilbúin til að koma betur til móts við félaga Eflingar í þeirra kjarabaráttu.
„Í kjölfar síðasta samningafundar Eflingar og Reykjavíkurborgar hjá ríkissáttasemjara hefur Dagur B. Eggertsson borgarstjóri fjallað um framlagt tilboð borgarinnar í fjölmiðlum ásamt því að birtar hafa verið upplýsingar um tilboðið á heimasíðu borgarinnar. Í þessari umfjöllun er að finna framsetningu sem gefur til kynna að tilboðið sé nær kröfum Eflingar en í þeirri kynningu sem samninganefnd Eflingar fékk á umræddum samningafundi þann 19. febrúar síðastliðinn,“ sagði meðal annars í tilkynningu á vef Eflingar sem birtist á mánudag.
Efling hefur þá borðað til baráttufundar í dag klukkan 13:00 í Iðnó