Ástandið ástjórnarheimilinu er eigi gott og um það vitna ótal fréttir. Skyndifundur Sjálfstæðisflokksins bendir til að ólgan sé að aukast:
„Við erum auðvitað að ræða alvarleg mál, það er alveg ljóst,“ sagði Bryndís Haraldsdóttir, þingmaður Sjálfstæðisflokks og formaður allsherjar- og menntamálanefndar, í samtali við RÚV.
Ljóst er að á milli Sjálfstæðisflokksins og VG eru hlutirnir komnir í hart – ógöngur myndu einhverjir segja. Deilur flokkanna tveggja er kemur að útlendinga- og orkumálum eru miklar; hvorugur flokkurinn virðist ætla að gefa tommu eftir.
Og áðurnefnd Bryndís er kokhraust og segir engan geta þvingað Sjálfstæðisflokkinn í eitt néneitt sem hann vill ekki gera:
„Ég ætla bara að segja, Sjálfstæðisflokkurinn er stærsti flokkurinn á þinginu og við erum stærsti flokkurinn í ríkisstjórn. Við erum með forsætisráðuneytið og engir aðrir flokkar geta stillt okkur einhvern veginn upp við vegg.“
Bryndís segir að Sjálfstæðisflokkurinn treysti sér algjörlega í öll verkefni:
„Við höfum skrifað undir ákveðinn sáttmála; við erum tilbúin að takast á hendur við ákveðin verkefni. Ef þau verkefni nást ekki þá þurfum við að hugsa leikinn upp á nýtt. En það eru ekki aðrir sem eru leikendur í því að stilla okkur upp við vegg í þessum efnum.“
Ef þetta þrátefli á milli flokkanna heldur áfram telur Bryndís nokkuð ljóst að „þá gerist eitthvað nýtt.“