Íslenskar konur fara ekki varhluta af einkennilegum auglýsingum á Facebook ef marka má innlegg undrandi meðlims í hópnum Fyndna Frænka sem deilir eftirfarandi skjáskoti með orðunum:
„Ég hef svo margar spurningar aliexpress. Hvers vegna er pissið glært? Hvers vegna kemur vatn (foss) út um rassinn? Hvers vegna er manneskjan að beygja sig svona? Hvers vegna fer svona mikið vatn í gegnum buxurnar? Hvar er þessi manneskja stödd?“ og klykkir út með orðunum: „Hafið þið fleiri spurningar?“
Og svörin láta ekki á sér standa. Þannig segir ein: „Hver pissar með rassinum?“ en önnur segir um hæl: „Þetta treatment er ekki alveg að koma í veg fyrir rassfossa, as in female leakage, eru það buxurnar eða sía brækurnar litarefnið úr fossinum, svo margar spurningar!“
Meðlimir Fyndna Frænka virðast á einu máli um að undarlegt sé að ætla að konur pissi með rassinum og þannig má lesa orðin: „Af hverju er hún í netabuxum af heilbrigðisstofnun en ekki með bindi???“ og loks vísar ein í annálaða íslenska grínþætti og segir: „Konur pissa með rassinum samanber Fóstbræður!“
Athugasemdir í hópnum eru margar bráðfyndnar og gefa ljóslega til kynna að lífeðlisfræði sé oft á undarlegu reki þegar hönnun fyrir konur beri fyrir augu og spyr beinskeyttur meðlimur hópsins loks umbúðalaust: „Hver pissar með rassinum?“ og uppsker hlátrasköll.
Ljóst er að hlutgerving kvenna tekur á sig fjölbreytilegustu myndir og oft með ótrúlegum afleiðingum en ekki fylgir sögunni hvort nokkur hafi sannreynt þessa undarlegu hönnun hér á landi.