Einar Hermannsson og listi hans báru sigur í býtum á aðalfundi SÁÁ sem hófst kl. 17 í dag. Einar og Þórarinn Tyrfingsson sóttust báðir eftir sæti formanns.
Aðalfundur SÁÁ hófst klukkan 17 í dag á Hilton Reykjavik Nordica við Suðurlandsbraut.
Dagskrá fundarins er samkvæmt fundarboði:
1. Skýrsla stjórnar
2. Reikningar samtakanna lagðir fram
3. Lagabreytingar
4. Kosning í stjórn
5. Ákvörðun félagsgjalda
6. Önnur mál
Ljósmyndara Mannlífs var vísað frá fundi. Sama var með ljósmyndara DV, eins og greint var frá í frétt miðilsins, en hann fékk þau svör að það væri vegna samkomubanns.
Samkvæmt heimildamanni Mannlífs eru um 500 manns á fundinum. Samkvæmt samkomubann mega viðburðir, líkt og aðalfundurinn nú, ekki fara yfir 500 manns.
Samkvæmt heimildarmanni Mannlíf tók meira en klukkutíma að ákveða hver ætti að vera fundarstjóri. Kosið var á milli Harðar Oddfríðarsonar, sem fékk 55% og Jóns Magnússonar, sem fékk 42,86%. Önnur atkvæði voru auð.
Aðalstjórn SÁÁ er skipuð 48 manns, en á hverjum aðalfundi eru kosnir 16 þeirra. Aðalstjórn kýs sér formann samkvæmt 7. grein laga SÁÁ eins og henni var breytt á aðalfundi 1. júní 2017.
Aðalstjórn samtakanna skipa 48 menn. Kjörtími stjórnarmanna er þrjú ár og skulu 16 kjörnir á hverjum aðalfundi auk 7 varamanna til eins árs. Endurkosning stjórnarmanna er heimil. Kjörgengir eru, auk einstaklinga sem aðild eiga að samtökunum, fyrirsvarsmenn félaga sem aðild eiga. Séu slíkir menn kjörnir í stjórnina sitja þeir út kjörtíma sinn þó þeir hætti sem fyrirsvarsmenn þess félags sem aðildina á að samtökunum.
Allir þeir sem buðu sig fram í stjórn Einars Hermannssonar náðu kjöri sem stjórnarmeðlimir SÁÁ. Varamenn á lista Einars náðu einnig kjöri.
Samkvæmt 7. gr. er Einar því enn ekki formaður, og leiðréttist það hér með, en líklegt verður að telja að hann njóti fylgis í það starf.
Kári Stefánsson, forstjóri Íslenskrar erfðagreiningar, kemur inn sem aðalmaður í stjórn í stað Lindu Pétursdóttur, til eins árs.
Framboð Einars og Þórarins dreifðu listum á fundinum, þar sem fram komu nöfn þeirra sem bjóða sig fram í stjórn og varastjórn SÁÁ.
Í stjórn eru kjörin: Anna Hildur Guðmundsdóttir, Berglind Þöll Heimisdóttir, Frosti Logason, Gróa Ásgeirsdóttir, Haukur Einarsson, Hekla Jósepsdóttir, Héðinn Eyjólfsson, Hilmar Kristensson, Hörður Svavarsson, Ingibergur Ragnarsson, Sigurbjörg Anna Þór Björnsdóttir, Sigurður Ragnar Guðmundsson, Steinunn Valdís Óskarsdóttir, Valgerður Rúnarsdóttir, Þóra Kristín Ásgeirsdóttir og Þráinn Farestveit.
Í varastjórn eru Ásmundur Friðriksson, Grétar Örvarsson, Hörður J. Oddfríðarson, Ingunn HansdóttirÓskar Torgi Viggósson, Ragnar Þór Reynisson og Rúnar Freyr Gíslason.
Listi framboðs Þórarins