- Auglýsing -
Höfuðborgarbúar brugðu sumir undir sig betri fætinum í gærkvöld og fóru á skemmtistaði. Flestir reyndust vera löghlýðnir og samkomutakmarkanir voru virtar. Lögreglan á höfuðborgarsvæðinu kannaði ástandið á sextán samkomustöðum í miðborginni í gærkvöld þar sem litið var til sóttvarna, fjölda gesta og opnunartíma. En þó var einn sóttvarnadólgur.
Reynist allt vera til sóma í langflestum tilvikum. Segir í dagbók lögreglunnar að á einum stað hafi verið allt of margir gestir. Þar var ekki unnt að tryggja tveggja metra nálægð á milli ótengdra hópa. Eigandi staðains má eiga von á kæru og verður málið rannsakað sem brot á reglum um samkomutakmarkanir.
Nú stendur yfir vetrarfrí í skólum og fjölmargir höfuðborgarbúar lögðu leið sína út á land um helgina og dvöldu í sumarbústöðum en einnig fóru margir á skíði til Ísafjarðar og Akureyrar.