Katrín Jakobsdóttir forsætisráðherra segir að lögum um svokallaða hlutabótaleið ríkisstjórnarinnar verði breytt í ljósi þess að vel stæð fyrirtæki hafa nýtt leiðina á móti skertu starfshlutfalli starfsmanna.
Olíufélagið Skeljungur hefur t.d. nýtt hlutabótaleiðin en á sama tíma greiddi félagið út 600 milljónir króna í arð til hluthafa. Sömuleiðis hefur soðtækjaframleiðandinn Össur minnkaði starfshlutfall 165 starfsmanna á Íslandi niður í 50 % starf á móti hlutastarfaleið ríkisstjórnarinnar.
Rúv hefur eftir Katrínu að hlutabótaleiðin hefði verið sett á laggirnar til að koma í veg fyrir annars óhjákvæmilegar uppsagnir fyrirtækja sem verða fyrir miklum efnahagslegum áhrifum vegna COVID-19.
„Að sjálfsögðu þá var ekki ætlunin sú að stöndug fyrirtæki væru að nýta sér þetta neyðarúrræði til að greiða niður laun sinna starfsmanna,“ er haft eftir Katrínu í frétt Rúv.
Katrín segir þá að hlutabótaleiðin verði framlengd með lagabreytingu þar sem skilyrði verða sett um til dæmis arðgreiðslur.
Sjá einnig: Greiddu út 600 milljónir í arð og nýta svo hlutabótaleiðina