Eldur Smári Kristinsson, einn leiðtoga Lýðræðisflokksins, hefur lengi verið umdeildur vegna óhefðbundinna skoðana sinna á transfólki. Hann hefur verið ófeiminn við að taka slaginn við fjandmenn sína en nú er hann bálreiður. Bergsteinn Sigurðsson, starfsmaður Ríkisútvarpsins, er skotspónn Elds sem hefur uppi stór orð um framgöngu hans í sjónvarpi allra landsmanna. Eldur svarar fyrir sig í hlaðvarpinu Eldvarpið.
Forsagab er sú að í viðtali við Arnar Þór Jónsson, formann Lýðræðisflokksins, í aðdraganda þingkosninganna lýsti Bergsteinn Eldi sem formanni samtaka sem eru sökuð um að ala á hatri í garð transfólks. Bergsteinn mun hafa sakað Eld hafa verið fjarlægðan af lögreglu úr grunnskóla fyrir að mæta þar í leyfisleysi og mynda starfsfólk og börn. Eldur á að hafa „þrástagast á að hún sé karl og farið klúrum orðum um kynfæri hennar á opinberum vettvangi.,“ hefur Nútíminn eftir. Þarna mun vera átt við Uglu Stefaníu.
„Maður veit varla hvar maður á að byrja. Þetta eru engar smá fullyrðingar sem Bergsteinn Sigurðsson fer hérna með,“ segir Eldur sem vill ná réttlæti gagnvart Ríkisútvarpinu. Óljóst er hvort hann stefnir Bergsteini og stofnuninni eða situr undir fullyrðingunum.
Ríkisútvarpið hefur viðurkennt að Bergsteinn hafi farið með rangt mál þegar hann sagði að Eldur hefði hefði verið handtekinn …