Mannlíf tók saman nokkur áhugaverð ummæli sem voru látin falla í vikunni.
„Er þessi kórónuveiru-faraldur ekki bara samsæri vísindamanna og heilbrigðisstarfsmanna með það að markmiði að mjólka út úr ríkiskössunum meiri yfirvinnu og styrki til frekari rannsókna. Svona eins Loftslags-samsærið alræmda. Alheims-samsæri vísindamanna og vinstri elítunnar að koma sér á spenann. Hvað segiði?“
-Benedikt Erlingsson, leikari og leikstjóri, skýtur föstum skotum á frjálshyggjumenn.
„Nú fáum við aðra lexíu um nytsemd ríkisins í glímunni við veiruna og sérstaklega um nytsemd velferðarríkisins. En frjálshyggjumenn munu áfram neita að læra nokkuð af því – enda eru þeir markaðshyggjumúslimar sem hirða ekki um staðreyndir. Trúin er þeirra leiðarljós.“
-Stefán Ólafsson hagfræðingur.
„Þá bið ég ekki síst Lilju og Framsóknarflokkinn um að sýna ábyrgð og ekki fara í kapphlaup um yfirlýsingar og athygli.“
-Þorgerður Katrín Gunnarsdóttir, formaður Viðreisnar, varar við því að stjórnmálaflokkar reyni að notfæra sér ástandið vegna kórónuveirufaraldursins í pólitískum tilgangi.
„Ég held að allt tal um að við séum í svo miklu betri efnahagslegri stöðu nú en við vorum fyrir bankahrunið árið 2008 sé hugsanlegt ofmat og jafnvel byggt á óskhyggju.“
-Ágúst Ólafur Ágústsson, þingmaður Samfylkingarinnar.
„Ætla núverandi stjórnvöld að gera sömu stóru efnahagslegu mistökin sem allir voru sammála eftir hrun um að hafi verið gert sem var að hafa ekki tekið neysluvísitöluna úr sambandi? Eru stjórnvöld að bíða eftir verðbólguskoti sem hugsanlega getur kostað heimilin tugi milljarða? Ætla stjórnmálamenn ekkert að læra.“
-Vilhjálmur Birgisson, formaður Verkalýðsfélags Akraness og varaforseti ASÍ.
„Á vef Útlendingastofnunar svarar stofnunin því játandi að hún geti lagt mat á aðstæður í Grikklandi án þess að hafa farið þangað sjálf; því hún hafi lesið skýrslur. Ég hef líka lesið og skrifað skýrslu eða tvær. En ég hef líka séð aðbúnað flóttamanna á grískum eyjum. Og þeir voru í búrum.“
-Héðinn Halldórsson, upplýsingafulltrúi Alþjóðaheilbrigðismálastofnunarinnar.
„Almenningi stafar svo mikil ógn að því að horfast í augu við glæpi kvenna, að varla er um þá fjallað í fjölmiðlum, nema að afneita glæpum þeirra eða fegra.“
-Arnar Sverrisson, fyrrverandi yfirsálfræðingur geðdeildar á Akureyri, í pistli á Vísi. hefur verið harðlega gagnrýndur fyrir
„Það er kannski heimsfaraldur, en það stöðvar þennan epíska frethana ekki í að skrifa enn aðra 5000 orða greinina um hvað hann hatar konur á marga mismunandi vegu.“
-Hrafn Jónsson pistlahöfundur bregst við skrifum Arnars.