Erlendir nemar hætta við komu vegna COVID-19

Er­lend­ir nem­end­ur sagðir hætta við að koma í nám í HÍ í haust vegna COVID-19 faraldursins.

Starfsfólk á skrif­stofu alþjóðasam­skipta Há­skóla Íslands hefur orðið vart við að erlendir nemendur séu að hætta við nám við skólann vegna heimsfaraldursins. „Marg­ir skól­ar hafa þegar tekið þá ákvörðun að taka fyr­ir skipti­nám, að minnsta kosti á haust­miss­eri, og heim­ila hvorki sín­um nem­end­um að fara né að taka á móti nem­end­um,“ seg­ir Friðrika Þóra Harðardótt­ur, for­stöðumaður skrif­stofu alþjóðasam­skipta í Morg­un­blaðinu í dag.

Hún segir aðra nem­end­ur sæta ferðatak­mörk­un­um, erfitt sé fyrir þá að út­vega fylgigögn og fá vega­bréfs­árit­an­ir. Al­geng­ara sé að þeir treysti sér ekki til að ferðast á þess­um óvissu­tím­um.

Í umfjöllun Morgunblaðsins kemur fram að er­lend­ir nem­end­ur við há­skól­ann, þ.e. skipt­inem­ar og er­lend­ir nem­ar á eig­in veg­um, hafi verið 1.550 á síðasta ári. Ekki sé vitað hversu marg­ir þeir verða næsta haust.