Fyrir helgi fjallaði Mannlíf um verðhækkanir og svaraleysi íslenskra stjórnvalda, varðandi stuðning eða afslátt á eldsneyti á Íslandi. Sjá hér. Forvitnilegt verður að fylgjast með hvort þessi framleiðsluaukning muni skila sér í íslenskt verðlag.
OPEC, Samtök landa í eldsneytisútflutningi, hafa gefið út yfirlýsingu um aukna framleiðslu á jarðeldsneyti í júlí og ágúst nk..
Samkvæmt frétt á dr.dk segir að aukin framleiðsla muni hafa áhrif á heimsmarkaðsverð en betur má ef duga skal. Fleiri framleiðslulönd og meðspilarar þurfi að stíga fram til að koma til móts við eldsneytismagnið sem Evrópa og Bandaríkin hefðu keypt af Rússlandi.
Hvað er OPEC nákvæmlega?
Markmið OPEC, Samtök landa í eldsneytisútflutningi, er að samrýma stefnu aðildalandanna, sem framleiða olíu, til að viðhalda stöðugleika og sanngirni í verðlagningu. Auk þessa annast samtökin skilvirka yfirsýn til neytandaríkja og sanngirni til fjárfesta.
Aðildalöndin eru: Algería, Angóla, Gabon, Íran, Írak, Kongó, Kuwait, Líbya, Miðbaugs-Gínea, Nígería, Saudi Arabía, Arabísku furstadæmin og Venezúela
Bandaríkin og Saudi-Arabía
Yfirlýsing OPEC gæti haft jákvæð áhrif á samskipti Bandaríkjanna og aðildalanda OPEC við Saudi-Arabíu, en andað hefur köldu milli Bandaríkjanna og Saudi-Arabíu um árabil.
Joe Biden, forseti Bandaríkjanna, tjáði sig um málið eftir yfirlýsingu OPEC og telur jákvætt að ríkin hafi viðurkennt olíuskortinn í heiminum. „Ég veit ekki hvort það er nóg, en ég veit það er jákvætt.“ Virðist sem forseti Joe Biden sjái einnig mikilvægi jákvæðra samskipta og samvinnu við Saudi-Arabíu. Enda gæti það skilað auknu framboði á eldsneyti sem myndi skila sér í verðlækkunum.
Tvö saudísk sendiráð eru væntanleg í formlega heimsókn til Bandaríkjanna síðar í mánuðinum, sem gæti haft jákvæð áhrif á samskiptin.