Íbúar Beverly Hills urðu vitni að andláti meints barnaræningja.
Á sunnudaginn var náðist ótrúlegt atvik á myndband en það sýnir föður haldandi á dóttur sinni og hlaupandi í burtu frá meintum barnaræningja. Samkvæmt vitnum reyndi maðurinn að stela ungri dóttur föðursins í Beverly Hills um hábjartan dag en barðist faðirinn á móti og náði að bjarga barni sínu eftir að hafa fengið aðstoð frá öðrum manni.
Barnaræninginn var allt annað en sáttur með þá aðstoð sem maðurinn hafði veitt föðurnum og hljóp á eftir honum og stökk inn í bíl hans. Í viðtali við fjölmiðla sagði hjálpsami maðurinn frá því að hann teldi að barnaræninginn hafi verið í geðrofi eða á einhvers konar eiturlyfjum en þegar barnaræninginn stökk inn í bíllinn reyndi hann ræna hundi sem var í honum.
Lögreglan kom fljótlega á svæðið og handtók ræningjann en hann lést skömmu síðar á sjúkrahúsi. Í yfirlýsingu frá lögreglunni í Beverly Hills sagði hún að maðurinn sem lést hafi verið stunginn af föðurnum en ekki liggur fyrir hvort það hafi dregið hann til dauða. Faðirinn þurfti sjálfur að fara á sjúkrahús eftir átökin.
Hægt er að horfa á myndband af atvikinu hér.