Leikarinn Bradley Cooper virðist hafa komið sér í vandræði.
Stórleikarinn Bradley Cooper hefur hlotið gagnrýni undanfarna daga en ástæða þess er gervinef sem leikarinn mun skarta í myndinni Maestro. Cooper, sem leikstýrir myndinni einnig, leikur hljómsveitarstjórann Leonard Bernstein. Til þess að reyna líkast stjóranum ákvað Cooper að notast við gervinef en segja margir að slíkt sé óþarfi og stór nef séu staðalímynd gyðinga en Berstein var sjálfur gyðingur. Þá hefur verið gagnrýnt að ekki sé gyðingur sem leikur aðalhlutverkið. Fjölskylda Leonard Berstein stendur með Bradley Cooper.
„Það vill svo til að Leonard Bernstein var með mikið og fallegt nef. Bradley ákvað að nota farða til að líkjast honum betur. Það erum við algjörlega sátt við,“ sagði fjölskyldan í tilkynningu til fjölmiðla.
Hægt er að sjá stiklu úr myndinni hér fyrir neðan