Eldur kom upp í fjölbýlishúsi í borginni Grenoble í Frakklandi á þriðjudag. Bræður, þriggja og tíu ára, tóku þá ákvörðun að stökkva út um glugga á þriðju hæð í húsinu til að forða sér frá eldinum. Fallið var um 10 metrar, en mannfjöldi fyrir neðan greip bræðurna.
Greint var frá björguninni í erlendum miðlum, en Fréttablaðið greindi fyrst frá hérlendis.
Two brothers, ages 3 and 10, were saved from an apartment fire in France when they dropped more than 30 feet from a window and were caught by neighbors below.
The boys, along with 17 residents of the building, were treated for smoke inhalation. https://t.co/514nuIbT1O pic.twitter.com/xsCoKFuUH7— ABC News (@ABC) July 22, 2020
Bræðurnir sluppu ómeiddir, en voru fluttir á sjúkrahús vegna mögulegrar reykeitrunar. 17 aðrir íbúar hússins voru einnig fluttir á sjúkrahús. Fjórir af björgunarmönnum bræðranna þurftu einnig á læknisaðstoð að halda vegna áverka sem þeir hlutu við björgunina.